Stafi

Zoti Fejzo Begaj është diplomuar “Shkëlqyshëm” në Fakultetin e Mjekësisë Veterinare  pranë Universitetit Bujqesor të Tiranës. Me  vendim të Komisionit të Lartë të Kualifikimeve në Shqipëri,  fiton gradën  shkencore “Doktor i Shkencave” dhe   merr Titullin “ Profesor i Associuar”.

Zoti Fejzo ka kryer disa kualifikime në fushën e Mjekesise Veterinare pranë  Qendrës Spitalore Universitare të Tiranës për Radiologji , në Fakultetet e Mjekësisë Veterinare në Pisa e Milano-Itali për Kirurgjinë Veterinare , në Fakultetin e Veterinarisë  Berlin –  Gjermani për sëmundjet e kafshëve të prodhimit, etj.

Është autor dhe bashëkautor në botime, studime e referime në fushën e blegtorisë dhe  veterinarisë.

Z. Begaj e ka filluar karrierën profesionale në  një  ish Kooperativë Bujqesore  në  Vlorë, ku ka ushtruar  detyrën e mjekut veterinar për 10 vjet. Ndersa ne Fakultetin e Mjekësisë Veterinare-Universiteti Bujqësor i  Tiranës punoni si  pedagog për rreth15 vjet.   Në kuadër të  projektit   për Pyjet dhe Kullotat ( APFDP)-USAID ka kryer detyrën e specialistit te blegtorisë  .  

Ai ka mbajtur postin e   Drejtorit Ekzekutiv të  Programit te Heifer International – USA, Zyra për  Shqipërinë dhe disa vite edhe  në  Kosovë  e Maqedoni.  Aktualisht është  Drejtor Ekzekutiv i Organizatës Jo- Qeveritare  BZHR ( Qendra Blegtoria dhe Zhvillimi Rural).

Zoti Gori Stefi  ka kryer shkollën e mesme  profesionale “Teknikumi Veterinar Shkodër”. Ndërsa,  studimet universitare i kryen në Institutin e Lartë Bujqësor të Tiranës, Fakultetin e Veterinarisë, Dega Zootekni.

Ai ka marrë gradën shkencore “Kandidat i shkencave”  e konvertuar me gradën “Doktor” sipas vendimit te Keshillit te Ministrave.  Ka marrë titullin “Profesor i Associuar” dhe më pas titullin “Profesor”.

Gjatë jetës profesionale  ka kryer një numër  kualifikimesh në fushën e mbarështimit dhe të ushqyerit të kafshëve e shpendëve, ekstensionit në bujqësi dhe zhvillim të burimeve natyrore në disa universitete, si Universiti Hohenheim, Institut fur Tierhaltung und Tierzuchtung, Sttutgart Germani; Universiteti Aristotelian I Selanikut, Fakulteti I Bujqësisë, Universiteti I  Helsinkit- Finlandë pranë  Departmentit të Ushqyerit të Kafshëve; Instituti i Zooteknisë, Universiteti I Milanos. etj.

Është autor dhe bashkëautor në shume botime, studime e referime në fushën e blegtorisë.

Në vitet 1968 – 1970 punon si  Nd/mjek veteriner në “N.B. Fieri”, Sektorët Qendër e Mbrostar. Ndërsa fillon  karrierën profesionale  si Krye zooteknik në Kooperativën Bujqësore Golaj Rrethi Kukës. Ka qene pedagog në Universitetin Bujqesor të Tiranës, në Katedrën e Zooteknisë, dhe ka kryer detyra të tjera si  përgjegjës i Katedrës së Zookulturës, Përgjegjës i Departamentit të Prodhimit Shtazor. Mbas vitit 2000 angazhohet  pranë projektit privat të pyjeve APFDP/HPI dhe mbajti postin e  drejtorit të projekteve në Projektin Ndërkombëtar të mëshqerrave  Programi për Shqipërinë, detyrë të cilën e ushtron edhe  në vazhdim  pranë Organizatës ‘Qendra Blegtoria dhe Zhvillimi Rural”.

Zonja Adelina Mehmetaj është diplomuar në Fakultetin e Agronomisë, Dega Zootekni  në Universitetin Bujqesor të Tiranës. Ka gradën shkencore, “Master” dhe  “Doktore e Shkencave”.

Gjatë jetës profesionale ka kryer kualifikime  mbi  programet e mbarështimit të Blegtorisë , hartimin e planeve kombëtare të veprimit,  analizën social  – economike dhe gjinore (SEAGA), mbështetjen e sipërmarjeve të vogla dhe të mesme dhe shoqatave, menaxhimin e projekteve,   etj.

Ka marre pjesë në hartimin e legjislacionit, në botime dhe studime  në fushën e blegtorisë. Është  pjesë e grupeve të punës për hartimin e projekteve,  monitorimin dhe vlerësimin, konsulente, koordinatore dhe trainere për projekte të ndryshme.

Znj. Adelina  filloi karieren  profesionale në një Kooperativë Bujqësore në rrethin e Elbasanit, më pas punoni në  Ndërmarjen e Mbarështimit të Derrave në  Tiranë.  Në vitet 1987 – 2008 punoi në Ministrinë e Bujqësisë dhe Ushqimit, pranë  Departamentit të Statistikave,  Departamentin e Prodhimit Blegtoral dhe   konsulente për monitorimin dhe vlerësimin e projektit “Kontrollit të Influenzës Aviane dhe  Pregatitjet për Kontrollin dhe Pandeminë Humane”,  një  projekt i përbashket me Bankën Botërore.  Punoi pranë  Programit Ndërkombetar të Mëshqerave/ Heifer Albania në Shqipëri.  Aktualisht, është  koordinatore  projektesh në Qendrën Blegtoria dhe Zhvillimi Rural

Zoti Ram Hoxhaj  është diplomuar  në  Universitetin Bujqësor të Tiranës në Fakultetin e Mjekësisë Veterinare për degën Veterinari.

Zoti Ram Hoxhaj   ka eksperiencë pune  si mjek veterinar,  kryespecialist, përgjegjës sektori në blegtori, inspektor veterinar  në Drejtorinë e Bujqësisë dhe Ushqimit  në Tropojë, koordinator I shërbimit veterinar, koordinator projektesh për zonën veriore të Shqipërisë, Veteriner në doganën Morinë – Tropojë dhe koordinator I shërbimit veterinar në rrethin e Tropojës , Prefekt në Qarkun e Kukësit, etj.

Ai e filloi karieren profesionale  në rrethin e Tropojës  në   Kooperativën Bujqësore “Kufitari” Tropojë.  Zoti Ram vazhdon karieren e tij në   Ndërmarrjen Pyjore  Bajram Curri,  në  Ndërmarrjen Bujqësore Fierzë Tropojë,  në Drejtorinë e Bujqësisë dhe Ushqimit Komunat Fierzë e  Margegaj Tropojë dhe Drejtorinë e Bujqësisë dhe Ushqimit Tropojë.  Gjithashtu, ka punuar  pranë   Drejtorisë së Bujqësisë dhe Ushqimit Kukës. Ndërsa është angazhuar  si koordinator  I projekteve për zonën veriore të Shqipërisë pranë Heifer Albania .

Për gati 2 vjet  ka  ushtruar detyrën e Prefektit në Qarkun e Kukësit. Aktualisht ushtron detyrën e   Kordinatorit të Projekteve pranë  Qendrës “Blegtoria dhe Zhvillimi Rural.

Znj. Denisa Kapaj është diplomuar në degën Ekonomi\ Financë në Universitetin e Tiranës. Me vone, ajo  është Certifikuar për Standardet Kombëtare të Kontabilitetit pranë Institutit të Ekspertëve Kontabël të Autorizuar në Tiranë dhe mban titullin “Auditues i Brendshëm në sektorin Publik” nga Ministria e Financave Shqipëri, Tiranë. Znj. Denisa është trainuar nga TACSO Shqipëri për  Përgatitjen e projekt-propozimeve për Grante nga IPA/CSF 2012,  dhe për Manaxhimin e suksesshëm të Granteve të financuara nga Bashkimi Europian”.

Nëpërmjet Dhomës së  Tregëtisë dhe Industrisë Tiranë, është trainuar mbi menaxhimin e Projekteve  dhe  hartimin dhe zbatimin e planeve të biznesit.  Ndërsa nga Rrjeti ndërkombëtar IRIS në Ohër, Maqedoni është trainuar mbi menaxhimin eficent dhe  shërbime me të mira.

Ajo është  trainuar mbi Programin Financiar Financa 5 dhe  mbylljen e një Bilanci Kontabël , dhe  ndoqi  kualifikimin profesional mbi “Fiskalitetin”.

Ajo ju bashkua Qendrës “Blegtoria dhe Zhvillimi Rural”, si financiere me kohë të pjesëshme pas disa vitesh eksperience në financat e sektorit jo-fitimprurës si shefe finance, në Organizaten “Unioni per Zhvillimin dhe Integrimin e Minoritetit Rom në Shqipëri Amaro-Drom” si edhe me financat e sektorit privat.